HUSMANN  
-ei musikalsk framsyning om husmannslivet i Hardanger-
Årets Husmannstovetreff i Kvemmadokkje vert laurdag 13.juli 2019.

Foto: Thor Brødreskift

 KJØP BILLETT 


Om musikkteatret

HUSMANN er eit tingingsverk laga til husmannsplassen Kvemmadokkje i Ulvik og har urframføring 13.juli 2019. Det er eit musikkteater der manuset er skriven av den prislønna forfattaren Ruth Lillegraven frå Granvin. Musikken er laga av duoen Djønne&Børsheim som består av Rannveig Djønne frå Djønno i Ullensvang på toradar og Annlaug Børsheim frå Ulvik på feler, song og gitar. Duoen skal sjølve stå på scena saman med dei røynde og dyktige skodespelarane Morten Svartveit frå Voss, kjent frå m.a. TV-serien "Heimebane" på NRK, og Kjærsti Odden Skjeldal frå Fredrikstad, kjent frå m.a. "Heim 2" på Hordaland Teater. Folkedansaren Torkjell Lunde Børsheim kjem òg til å vera med denne kvelden.

Manuset er skrive med inspirasjon frå husmannslivet i Hardanger og
musikken hentar inspirasjon frå tradisjonsmusikken.

Me gler oss til å høyra og sjå musikkteateret på utescena i tunet på Kvemmadokkje Husmannsplass!


FRAMSYNINGA "HUSMANN" ER UTARBEIDA MED STØNAD FRÅ:
Norsk Kulturråd
Hordaland Fylkeskommune
TONO
Fond for utøvende kunstnere
Haldor O. Opedal sitt fond


Oppvarming før musikkteatret:

Kvitanesen (òg kjend som Torbjørn Ljones) les høgt frå eigne tekstar, og har med seg sonen Andreas Ljones som musikalsk fylgje på feler og andre instrument. Desse har vitja Kvemmadokkje opptil fleire gonger og hausta stor åtgaum. Kvitanesen er ein kjend kåsør i regionen og har ein eigen måte til å skildra livet på bygdene og opplevingar her på, eller han skriv om heilt andre tema. Han vekkjer smilet og låtten hjå dei fleste når han dreg publikum gjennom dei korte og velformulerte forteljingane sine. Andreas er blant dei fremste i landet på fele og evnar å engasjere publikum med spelet sitt på ein framifrå måte.

Velkomne skal de vera!


Medverkande i Husmann:

Djønne&Børsheim har spelt og komponert musikk saman i ti år, turnert ulike stader i Europa og Noreg, og i 2012 gav dei ut plata ?Toras Dans ? Populærmusikk frå Hardanger? med den kjende folkemusikaren Esbjörn Hazelius frå Sverige som produsent. Repertoaret deira er i hovudsak eigen musikk og tekst tufta på tradisjonsmusikk frå Hardanger. Dei er aktive som musikarar, komponistar og tekstforfattarar på kvar sine kantar, både som solistar og i ulike samarbeidsprosjekt.

Annlaug Børsheim er født og oppvaksen i Ulvik i Hardanger. No busett i Bergen. Ho er utdanna folkemusikar ved Høgskulen i Telemark og ved Ole Bull Akademiet på Voss. Den allsidige folkemusikaren skriv både eigen musikk og tekst og gav i 2010 ut sin fyrste solocd, ?November? på sitt eige plateselskap. Den siste tida har ho jobba mykje med tekstar av Per Olav Kaldestad som ho har skreve musikk til. Dette er tekstar og musikk for born som kom på plate i 2016 med trioen hennar Morgonfrosken. Av andre forfattarar ho samarbeider med kan nemnast Ragnar Hovland, Frode Grytten og Pedro Carmona-Alvarez. Annlaug hadde i 2016 statens kunstnarstipend i kategorien populærkomponist.

Rannveig Djønne kjem frå Ullensvang i Hardanger. Djønne vert omtala som ein nyskapande toradarspelar med eit solid fotfeste i tradisjonsmusikken frå Hardanger og Voss. Folkemusikkutdanninga har ho frå Ole Bull Akademiet på Voss. Debututgjevinga, ?Spelferd heim? (2008) hausta strålande meldingar. I 2011 komponerte Djønne m.a. ei folkemusikkmesse for Hardanger på oppdrag frå Ullensvang kyrkje. Denne messa er mykje nytta også i dag. I 2011 fekk Djønne Sparebanken Vest sitt kunstnarstipend innan kategorien ?lyd?. Særleg hennar evne som komponist vart framheva I grunngjevinga. I 2014 skreiv Djønne musikken til framsyninga ?Soga om Seselja? basert på Ruth Lillegraven si kritikarroste bok ?Urd?.  ?Soga om Seselja? hadde urframføring i 2014 og vart synt mykje rundt om i landet, m a på Litteraturfestivalen på Lillehammer og på Vossajazz i 2016. Djønne har turnert over store delar av Noreg, samt Tyskland, Italia, Skottland, USA, Austerrike og Canada.

Ruth Lillegraven er frå Granvin i Hardanger, og er i dag busett i Bærum. Ho debuterte som forfattar med diktsamlinga Store stygge dikt i 2005. Sidan den gong har ho gitt ut i alt 12 eigne bøker for barn og vaksne, dei fleste diktsamlingar, i tillegg til fire biletbøker og ein roman. I 2013 fekk Lillegraven Brageprisen for diktsamlinga Urd (i klassen skjønnlitteratur for vaksne). Tre år seinare fekk ho Nynorsk Litteraturpris for ei annan diktsamling, Sigd. Hennar første diktsamling for barn, Eg er eg er eg (2016) blei nominert til både Brageprisen og Kritikarprisen. Våren 2018 debuterte Lillegraven som dramatikar med stykket Cally på Det Norske Teatret. Stykket hausta gode kritikkar og vart satt opp på ny hausten 2018. Lillegraven har også hatt fleire samarbeid med musikarar. Det første var Urd, der ho samarbeidde med Rannveig Djønne og Tuva Syvertsen (urpremiere på Nynorskens hus, november 2014). Sidan kom Sigd, i samarbeid med Benedicte Maurseth (urpremiere på Hardanger musikkfest, mai 2016). I begge desse produksjonane har Lillegraven stått for tekstframføring, i tillegg til sjølve teksten.

Morten Svartveit er født og oppvaksen på Voss, og er no busett i Oslo. Han er skodespelar med utdanninga si frå The Russian Academy of Theatre Art (2008) og har mange år med erfaring fra ulike teater, spelefilmar og TV-seriar. Morten var våren 2018 aktuell i NRK si dramasatsing "Heimebane". Han har eit vidt spenn frå barneteater, gjennom musikal til seriøse dramaer. Morten har vore tilsett ved Det Norske Teater sidan 2013.

Kjærsti Odden Skjeldal er født og oppvaksen i Fredrikstad, og er no busett i Oslo. Ho er utdanna ved Teaterhøgskulen, The Russian Academy of Teatret Arts - GITIS og Statens Teaterhøgskole, KHiO. Ho har etter endt utdanning vore tilsett ved ved Grusomhetens Teater, Akershus Teater, Nordland Teater, Agder Teater, Det Norske Teatret, Tigerstadsteatret og Rogaland Teater. Ho har også vore med i fleire filmproduksjoner, mellom anna Joachim Triers "Oslo, 31.august".

Torkjell Lunde Børsheim er fødd og oppvaksen i Ulvik, på garden Børsheim, og har nære band til husmannsplassen Kvemmadokkje. Han er folkedansar og har mange topp nasjonale plasseringar i kappleikssystemet å visa til. Han har òg medvirka i fleire sceneproduksjonar, mest for dansekompaniet FRIKAR i "Kruk", "Mjølk", Snuff Grinders" og kanskje mest kjend for samarbeidet med Alexander Rybak og "Fairytale" under ESC i 2009. Han har spela Peer i ei større familieframsyning i Grieghallen med Bergen filharmonien, og spelt på Det Norske Teatret i 2013 i stykket "Fossegrimen".


Våre støttespelarar

undefined


Kvemmadokkje
Video frå Kvemmadokkje
Presentasjonsvideo
Video frå Kvemmadokkje Husmannsplass
Arrangement1ENGLISH VIDEO
Video presentation of Kvemmadokkje
billett
Bestill billett
Billettar til komande arrangement
Overnatting1
Overnatting
Bu og overnatt på husmannsplassen

Sjå kontaktinformasjon

E-post: post@kvemmadokkje.no

Telefon:
56 52 62 70 / 915 87 738