| Velkomen til Kvemmadokkje Husmannsplass! 15.02.2019: I sommar vert det ei nyskaping i Kvemmadokkje!  "Husmann" er eit bestillingsverk laga til husmannsplassen Kvemmadokkje i Ulvik og har urframføring 13.juli 2019. Det er eit musikkteater der manuset er skriven av den prislønna forfattaren Ruth Lillegraven frå Granvin. Musikken er laga av duoen Djønne&Børsheim som består av Rannveig Djønne frå Djønno i Ullensvang på toradar og Annlaug Børsheim frå Ulvik på feler, song og gitar. Duoen skal sjølve stå på scena saman med dei røynde og dyktige skodespelarane Morten Svartveit frå Voss, kjent frå m.a. TV-serien Heimebane, og Kjærsti Odden Skjeldal frå Fredrikstad kjent frå m.a. Heim 2 på Hordaland Teater. Manuset er skrive med inspirasjon frå husmannslivet i Hardanger og musikken hentar inspirasjon frå tradisjonsmusikken. Gled dykk! Meir informasjon under Arrangement. 18.10.2013: _(200x128).jpg) Kvemmadokkje Husmannsplass fekk fylkets Kulturlandskapspris i 2013. Utdelinga gjekk føre seg fredag 18.oktober 2013. Les meir om det her. Foto: Reinhold Kager  | Kvemmadokkje
|
